علق الكابتن عصام الحضري علي تصريحات المدير الفني السابق للنادي الأهلي البرتغالي مانويل جوزيه بشأن سحب شارة القيادة من حارس الأهلي خلال فترة تواجدهما في القلعة الحمراء، واصفاً إياه بالمريض والمخرف.
وقال عصام الحضري حارس منتخب مصر السابق في تصريحات لبرنامج "يا مساء الأنوار" مع مدحت شلبي علي قناة "MBC MASR": أنا مكنتش عايز أعلق بس الواضح إن كبر السن بيخليه يخرف، أنا بقول إن جوزيه أفضل مدير فني في تاريخ النادي الأهلي، لكن علي الجانب الأخلاقي فهو مريض.
عصام الحضري: جوزيه جاب نادر السيد علشان يقعدني دكة.
وتابع الحضري: "جابلي نادر السيد علشان يقعدني دكة، ومش بيحب النجوم، ولو كان أدائي مش عاجبه يبقي ليه سابني ألعب مع الفريق بشكل أساسي".
الحضري: انا فضلت كابتن المنتخب المصري بعد سحب شارة الأهلي.
وأضاف الحضري: مش في كل مكان يطلع يقول أنا سحبت منه الشارة، مانا بعد ما سحب شارة الأهلي كنت كابتن المنتخب الوطني وحامل الشارة.
جوزيه: الحضري بيفكر في مصلحته الشخصية أكبر من النادي، وده سبب الخلاف.
.jpeg)
وكان مانويل جوزيه قد صرح خلال الأيام الماضية عن خلافه مع عصام الحضري في مداخلة عبر "MBCMASR2" قائلاً: كنت أرغب في أن يفكر في الفريق أكثر من تفكيره في مصلحته الشخصية، وحتي زملائه في الفريق كانوا لا يتعاملون معه كقائد، ولهذا السبب سحبت منه شارة القيادة.
تعليقات
إرسال تعليق
شاركونا رأيكم في التعليقات